Dang yaklam wa ka sorkar pyrdi wow pynbait yei kaam ha NEHU: Conrad Sangma

U Montri Rangbah ka jylla, u Conrad K. Sangma ynne da ong u wa ka sorkar jylla da thooh ko ki laad ki luti liang wanang wow pynbait ya i kynrum kynram hapoh ka skurbah North-Eastern Hill University (NEHU).

Heiyatoh wa i dawa kyrriah ya u Vice Chancellor, u Conrad da ong u wa em i thut na pynarliang wei da yaleh u sñiawthooh ya ini i thut wei da pyrchang u yaklam wa kiwa chah ktah ha ki kyrdan waphær waphær khnang wa ka NEHU u krehkaam bait ko.

ADVERTISEMENT

Da kdaw u leh yei tlot ka sorkar jylla neibhah wa ka NEHU toh ka chnat yong ka Ministry of Education wei i thung ya ki Chancellor da leh da ka President ka India kamtæ kam ka sorkar jylla eh bha u luchia ko ya ini neibhah wa da em ki kyndon krehkaam kiwa jar jiar. 

Da pynkynmoo u leh yei por wa mut u wow yachem ya ki khynnah tangwa da mih i sñiawthooh bakla neibhah oo yaklam u leh wa kiwi ki khynnah kamjooh kiwa sikai ha i bor yong oo.

Related posts

Na Shillong yoh kem ya uwa suba emkti hei yap kawi ka kynthai

October 17, 2026

Lait uwi wa yaleh Stunt nei yap deiwa taan ya ki thuk thuk da ki tylle wa kyllaiñ na rdang

October 17, 2026

Heijooh i por da ong u wa da pyrchang wow wanrah ya waroh wa embynta chirup khnang wow ye u pynbait noh ya ini i kulmar.

Heiyatoh wa ka sorkar pyrdi, da ong u wa da yaklam u wa ka kamjooh u Montri ka chnat puræ puthi ka sorkar pyrdi neipor cheipor wow pynbait noh ya ini i kaam.