U President ka UDP State Youth Wing, u Kyrmen Shylla da pynsñiaw u yei mynsien wa skem wa u MLA warim ka Mawlai uwa man leh u Adviser ka UDP Youth Wing, u Embhalang B Syiemlieh daw uiñ biang u cha ka Party deiwa ong wa i mih kiwa kitkaam daw ktah bait i ya ka Party, deiwa pynrap wa lada em i wym sñiawhun emkaam wow phyllu yumut.
Da ong u wa kam uwa yahkhmat ya ki khynroo ymtip u yei daw wa u Embhah mih u na ka Party, wei phylla u leh wa ym em u pyntip u wei hadooh katni u Embhah dang man hi u kam u dkhot ka UDP, wei ngait skem u leh wa uni u heh daw uiñ biang u cha ka UDP.
Hawa kylli, da ong u wa dang pynbait ya i por wow yaklam bniah wa u Embhah neibhah kam ka Party, dang kwah ko ya oo wow embynta u wa ka UDP.
Kam wow pynkynmoo heini, u Embhalang B Syiemlieh ha ka 29 tarik u Naiynñiaw, ryngkat wa ki spah ngut kiwa kyrchaan ka UDP na kani ka Constituency da pynbna ki wa da mih noh ki na ka Party heiwa da soi paidbah ki ha ka yalang wa man ha Mawlai.
