Jowai: Ka khubor kawa da yoh na ka ophis yong ka Jaintia Hills Autonomous District Council (JHADC) da ong wa ïa ka Bill kawa iatoh wa ka Establishment of Elaka, Election, Appointment,Power, Function and Jurisdiction of Doloi, Sardar and Waheh Shnong Bill 2015 kawa da seiñ dur wow pynbeit yei rukom synshar ha ki chnong ki thaw wa ki Elaka hapoh u pood u ang yong ka JHADC da pylleit na ka Dorbar Lyiur tangwa na ka liang u Lat ka Jylla ym pu ye u, u mynjur ïa ka.
Da ong leh wa ka Bill kawa da pylleit da ka JHADC na i liang ki MDC (JHADC ) da lai yachem ki wa oo wow kyntu ïa oo wow pdiang noh u ka kani ka Bill. Da pyntip ki leh wa na i liang yong oo da paan por u yow yoh u ka u puræ bniah chwa wow lai u cha khmat tangwa da ki bnai wa da lai tangwa ym pu poi ko kat chawa em.
Da pynrap chooh ki deiwa ong wa ini i pynslem u lat u e ia i mynjur iong oo ia ka Bill kawa da pylleit da ka JHADC, neibynta i bha i miat ka chnong ka thaw kamwa man ka riti dustur kawa da saiñ dur da ki longchwa, ka JHADC ym yohsa ko deiwa pynman Dorbar wa jhan ki MDC weiwow chim da ka rai wow pynemkaam da ka Executive Power neibynta wow laibeit lai ryntih ki kaam synchar chnong synchar Elaka da ong ki khubor wa tikna na ka JHADC.
Discussion about this post