Dang yang ka sorkar na ki DC wow pyntip ki chaphang u 4000 MT u mooyong wa wiar

Ka sorkar Meghalaya da pyntip ko wa dang ko ya ka Report na ki Deputy Commissioner heiyatoh wa i wiar u 4000 MT u mooyong wa tih pyrchah ya ka aiñ wei hadien wa yoh yeini daw e jubab cha ka High Court lyngba ka Affidavit, da pyntip u Symbood Montri Rangbah, u Prestone Tynsong.

U Prestone da ong u leh wym em sñiaw u yei em kiwa dang tih thymme pyrchah ya ka aiñ kamjooh i kit ya u mooyong, deiwa kular u leh wa ka aiñ hi u krehkaam wei da phah leh ya ki pulit wa ki bor District wow leh yei kaam ki nadooh u snem 2014 yow pyntikna wym em ki kaam pyrchah aiñ.

Heiyatoh won wa i wiar 4000 MT u mooyong, da ong u wa ka sorkar daw yoh ko ya ka Report na ki DC ym slem de.

Kam wow pynkynmoo wa ka Meghalaya Basin Development Authority (MBDA) da chim yukheiñ ko wa em u mooyong 1,839.03 MT ha kawi ka Depot wa em ha chnong Diengngan, Ri-Bhoi District. Tangwa manda lai biang cha kani ka thaw da chem wa em du 2.5 MT wei da em leh ki sabut wa da chah kit uni u mooyong.

Related posts

Chem metyap na wah Umsuwai

February 27, 2026

Pynlait ka sorkar ya 84 tylli ki Bus thymme wa kynthup ya 55 tylli ki Electric Bus

February 27, 2026

Da jia biang kamni sa ha iwi i thaw heiwa da chem sa du 8 MT u mooyong hadien wa em wa kit oo na chnong Rajaju wa em ha West Khasi Hills District heiwa hawa chim yukheiñ nyngkong da ka MBDA da em 2,121.62 MT u mooyong.

Ka sorkar da phah ko leh ya waroh ki DC wow chim yukheiñ ki katwon u mooyong wa dang em kiwa yoh kem wei kamjooh u wow dai lilam.