Dang yang ka sorkar ya ka bui hajrong i lait tooh ki Question Paper ka Exam kiwa sikai

Shillong: Ka sorkar jylla dang yang ko ya ka bui takit hajrong i lait tooh ki Question Paper ka Exam kiwa sikai ka Meghalaya Teachers’ Eligibility Test (MTET) ha kawa da em leh ka ujor FIR na Tura.

Hawa yaklam wa u Montri ka chnat puræ ka jylla, u Lahkmen Rymbui da ong u wa dang yang ya ka bui wa pura khnang wa u chemdien yeiwa jia, wei du hadien ini daw ye wow leh yeiwa emkaam.

Da ong u wa ka sorkar ym kwah ko wow leh jhan neibhah kani toh du ha kawi donhi ka Center wei du kawi ka Center.

U Rymbui da pyntip u wa em palat 28 hajar kiwa yakhun ha ka jylla waroh kawi, wei ka sorkar ympu ye ko wow rai lada u pynman biang ya ka Exam hajrong kawon ka Subject, wa kiwi kiwi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pyntip u leh wa ka Subject wa lait tooh toh du yong ka Lower Primary wei du ha kawi donhi ka Center ha Tura.

Kam wow pynkynmoo heini ya ini i lait tooh da chem hadien wa uwi u muktiar, u Sofi Kamrul Hassan, da ujor u ha thanat pulit ha Tura.

Kini ki Question Paper da lait tooh ki ha ki Social Media, wei kiwa yaleh Exam da khana ki wa ki Question Paper kiwa lait tooh man ki thij kam kiwa da yoh ha ka Exam wa man ha ka 31 tarik u bnai wa da dep heipor 9:30 i step ha Tura Government College.