Ka sorkar jylla da pynsñiaw ko wa ka dwar dang wai ko neibynta ka seiñ Hynñiewtrep National Liberation Council (HNLC) wow yaklam yasuk ha iwon iwon i por wot hadien wa ka HNLC da kynrandien noh ko nei yaklam hawa sdang ha u snem 2022.
U Chief Secretary ka jylla, u DP Wahlang ynne da ong u wa hanla da tkut noh i yaklam hapyrdi ka HNLC wa ki ar sorkar, tangwa ka dwar dang wai ko neibynta i yaklam yasuk.
Da ong u wa da em i por wa kiwa yahkhmat ka HNLC da pynsñiaw ki yei thrang wow yaklam yasuk, tangwa em ki mat wa rap kyllaiñ wa da booh neiliang ka seiñ kiwa pynman yei wym poi chei ya sñiawthooh.
Da khana u leh wa hadien wa da liwan ki yow yaklam para ki ym em de wan biang ki.
U Chief Secretary da pynsñiaw u wa ka sorkar jylla man ko kawa smat wow yaklam tangwa dang em ki kattu katni ki mat ki wym ye wow pynbait, neibhah wa ka Ministry of Home Affairs yong ka sorkar pyrdi leh embynta ko ha kani ka kaam.
Discussion about this post