Ka Captain Williamson Sangma State University (CWSSU) kawa man leh kam ka skurbah wa nyngkong dooh yong ka jylla kawa da dep wai leh ya ka yung krehkaam wa pura yong ka ha u Duyatra (Jan) uni u snem wa em ha Balalgre, South West Garo Hills District kawa nachwa wa tip kam ka Captain Williamson Sangma State Technical University kawa da pynkylla deiwa mynjur da ka sorkar kamjooh ya aiñ yow wanrah ya kani ka skurbah, tangwa ka aiñ dang sahkut ko wa u Lat ka jylla u wym pu em e ya ka muhor yong oo.
Kani ka aiñ kawa da dep mynjur ha ka dorbar chna aiñ ka sorkar jylla ini wa dep wa tip kam ka Captain Williamson Sangma State University (Amendment) Bill, 2023 dang sah hi ko wa u Lat, da pyntip u Montri ka chnat puræ puthi, u Rakkam Sangma tangwa da yooluti u wa daw yoh noh yei mynjur na u Lat yow ye u sdang noh ya ka puræ puthi neibynta u snem 2024-25.
Da pyntip u leh wa kat wym pu e u Lat ya ka muhor, ym pu ye leh u lai chakhmat yow thung ya kiwa sikai kamjooh ki wakreh kani ka thaw wei manda yoh u sdang leh yow sdang chwa u wai neibynta ki Post-Graduate Course ha u snem wow wan.
Chooh chooh da ong u wa lada ya ka yung kani ka University da wai tangwa ki kreh wa dang sah dang lai ki chakhmat.
Deiwa em kani ka State University daw ye ki College wow yoh yei tipmit na kani ka University heithaw ka NEHU iwa daw pynlait leh ya kiwa lai puræ wow yaleh ya ka CUET.
Puræ leh: Da wai ya ka State University wa nyngkong ka Meghalaya
