Dang yang ki pulit la ar snem ya ka kaiphod na ka FSL hadien wa chah tynyap ka khynnah wa 16 snem

Shillong: Ki pulit ka nongbah Shillong dang yang ki ya ka kaiphod na ka Forensic Science Laboratory (FSL) kawa dang pynman ya ka puræ bniah ya ka Mobile Phone yong kawi ka khynnah khyllood kawa da suba wa chah tynyap khiar kawa na ka chnong Umlyngka ha ka 29 tarik Naiynñiaw 2016.

Hawa booddien ya ka takit ya ini i jia, neiliang u Superintendent of Police ka East Khasi Hills, u Davis N R Marak da pyntip u wa hadooh katni ym pu yoh ya ka kaiphod na ka Forensic Science Laboratory (FSL) na Hyderabad wei neiliang ka tnat da phah ko ya ki bru wow lai thooh ya kani ka kaiphod.

Kam wow pynkynmoo wa ka khynnah khyllood kawa dang 16 snem da wiar ko na yung, wa em ha chnong Umlyngka ha ka 24 tarik Naiynñiaw 2016, wei da chem yei metyap yong ka ha Damsite, Umiam ha ka 29 tarik Naiynñiaw, 2016.

Neidawwa  slem ka kaiphod na ka FSL kawa da chimpor hadooh ar snem, kiwa ha yung kani ka khynnah da thmu ki wow lai choh ha ka dwar ka yungbichaar neibhah kiwa hayung da pyntip ki wa ka khon ki da mih ko na yung hadien wa yoh phone ko.

Related posts

Dang pteiñ hi i chah tooh thuk-thuk

July 3, 2025

Mynsoo ki le ngut hei chah dung wei chah pam da ka wait ha ki le tylli ki chnong ka West Jaiñtia Hills

July 2, 2025

U SP da ong u wa hadien wa yoh ya ka kaiphod, ki pulit daw tip ki yei sakhiat yeiwa jia neibhah kamwa man kattæ hi dang artatien neibhah ki sakhi sabut ym pu chem lada ym yoh bha u sylli bniah ya ka mobile yong ka.