Heiyatoh wa em ki sniang wa yoh African Swine Fever ha chnong Lamin, West Jaiñtia Hills, u symbood montri rangbah ka jylla u Prestone Tynsong da ong u wa da yaklam chaphang ini haka Review Meeting ka sorkar wei katkam ka Report u District Veterinary Officer da ong wa em 15 tylli ki sniang wa da suba wa yoh ya ini i kjut wei da phah yaka nongmuna (Sample) ki 6 tylli cha ka North Eastern Diagnostic Laboratory kawa ha Khanapara, Assam.
Heijooh i por da ong u wa da suba wa toh ka kjut African Swine Fever wei dang yang yaka Report heiwa ya kani ka Report daw hap lai chwa cha ka sorkar India wei daw pyntip won cha ka sorkar jylla.
Da pyntip u leh wa kam ka laad yada da dep wow e dawai kamjooh wow e sikai ya ki waheh chnong wa kiwa ri sniang yow tip chaphang ini i kjut wei yow yada i poor ini i kjut da phah leh yaki paidbah wa sah ha katai ka thaaiñ wow dam chwa wow baam sniang kat wym pu yoh yaka Report.
Da ong u leh waka African Swine Fever ym toh kawa poor cha ki bru naki sniang kamwa man ka African Swine Flu.
