Jowai: Ka Supreme Court ynne ka sngi da ong ko wa lada em ki bru ki wympu yoh laad u kylliang ya ka poisa warim ka T. 500 wa T. 1,000 wa da pyndam ka sorkar ynnin u snem wei da booh por leh ha ka 31.12.16 kam ka sngi wa khaddooh wow kylliang tangwa lada em ki bru kiwa em i daw wa biang wym ye ki u kylliang poisa, ka sorkar haap elaad ko ya ki.
Ka Supreme Court da ong ko wa ym ye u pynsepai ya ka poisa wa khih chitom u bru wei da kular ka sorkar leh wow pdiang ya kani ka poisa warim kamtæ ym ye ko u kylla ktien. Da kylli leh wa ya ki bru wa chah kset patok heipor wa e por wow kylliang poisa ya ki won kammon u leh ki?
Ka Supreme Court da chong bichaar ko yeini ha ka mukotduma wa wanrah ka muktiar Sudha Mishra wa kiwi kiwi hei yatoh wa ini waroh.
Ka Supreme Court da e por ko 2 tayaw ya ka Sorkar India wow jubab yeini.
Discussion about this post