Shillong: Da ki 48 tylli ki ambulance kiwa da pynyeiñ ha ki 43 tylli ki thaw hapoh ki 11 tylli ki district ka jylla Meghalaya, ka GVK EMRI Meghalaya ha uni u snem da dap 8 snem i chakri ko ya ki paidbah.
Hadooh ka 31 tarik u Duyatra (January) ka Emergency Response Centre (ERC) da dep yarap ki ya 21 Lak ngut ki bru wa emkaam yarap heiwa na kini ka 108 Emergency Service Ambulance wa em ha Meghalaya da chimkti ko 1,50,000 tylli iwa man 30 % na waroh i yarap ya kiwa punkhon katwa 15 % toh ki kaam aksident.
Ka 108 wa tip leh kam ka “Wheels of Hope” da pyllait im ko ya pyllat 17,000 ngut ki bru wei da yarap ko hei kha khon wa pyllat 1,500 ngut da ki Emergency Medical Technician (EMT) wei da em leh kiwa da kha hapoh ki 108 Ambulance.
Ha waroh ka ri ka GVK EMRI da krehkaam ko hapoh 15 tylli ki jylla hadooh ha ka ri Sri Lanka. Ka GVK EMRI leh da sdang ko ya ki Animal Ambulance deiwa phone ha u number 1962 lyngba ka tnat Department of Animal Husbandry, kamjooh leh ya u number 100 yei emkaam ki kynthai, u number 181 ya kiwa emkaam ya ki Ambulance yow kit bru wa yap wei wow kit ya ka manbei wa dang dep kha khon wa kiwi kiwi.
Ka 108 Emergency Service Ambulance wa em ha Shillong leh da dep jop ko ya ka ‘National EM Care’ yong u Naichiphaw (October), 2016.
Discussion about this post