Dap chi snem ka sorkar MDA, i chna kreh ya ki khynroo khyllood man ko ka thong wa ha khmat ong u Conrad

Shillong: U Montri Rangbah ka jylla u Conrad K Sangma kam chibynta i dap chi snem ka sorkar MDA da pyllait ki ya ka kot wa pynyoo iyi wa da krehkaam ka sorkar ha kani ka chi snem wei da ong u leh wa ka sorkar ka pyrkhat bha ko ya ki kaam ka rep ka riang, ki kaam Social Sector waka kaam uiñke suwari yow pynmih kreh hapoh ka jylla.

U Conrad da ong u leh wa ka sorkar da sdang ko leh ya ka Milk Mission, Lakadong Mission, Swadesh Darshan, IT Park kam chibynta wow chna kreh.

“I sñiawthooh i wa ha ki 5 hadooh15 snem ka ri kamjooh ka Meghalaya daw em ko kiwa boon ki khynroo khyllood kiwa thooh kreh, kamtæ man ko i kitkhlieh ka sorkar wow pynbiang kreh ya ki,” da ong u Conrad.

Da ong u leh lada yooluti wa du ka sorkar wa ye u chna kreh man ko kawa bakla kamtæ ka sorkar da pyrchang ko wow pynkrehkaam ya ki Policy wow pynchlur ya ki khynroo khylood wow yeiñ ki ha ki kjat yong ki hi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da kdaw u leh wa ka kaam rep, uiñke suwari, i chna baam wa i ri mrad ki wow ye bha u chna kreh.

Da ong u leh wa ini toh u leh ha waroh ki thaw nadooh ha sor wa cha nongkyndong.

Da pynkut u leh deiwa ong dang yaleh leh wow pynku ya ka chait ka khiah waka puræ puthi hapoh ka jylla.