Ha ka yalang yalap Election u kyrtong ka NPP na 5-Mukhla Ummulong Constituency, u Aliad Bhoi wa da pynman ha Community Hall ka chnong Mupliang ha ka 11 tarik uni u bnai, neiliang kiwa kyrchaan ya oo da pynyoo ki yei boon paaid yong ki hadooh wa dap smam ka thaw pynman yalang.
Ha kani ka yalap Election da ya chimbyntalang da ki 5 Waheh Chnong na ka 6 chnong hapoh ka 5-Mukhla Ummulong Constituency, chirup wa ki Secretary Chnong, ki Chairman Chnong yong ki 6 chnong ka Constituency.
Da wan leh wow synraanlang da u MLA ka Jowai Constituency, u Wailadmiki Shylla heiwa neiliang u Ailad Bhoi kam u kyrtong uwa man leh kam u Sitting MDC da kyrpaad biang u ya kiwa chong chnong ka Mupliang wow e biang ki yei kyrchaan wa pura ya oo sa chisien ha kani ka kynti khnang yow poi cha ka thong i jop yow ye chooh chooh u e chakri kawa rap bha chooh chooh ya ka chnong Mupliang palat yeiwa dadep chakri u ha ki 5 snem wa dadep chadien.
Da khana u leh ya chiboon ki kaam kiwa daw leh u chakhmat neibynta ka Constituency hi waroh kawi.
Discussion about this post