Jowai : Heipor 4:30 i step ynne ka 16 tarik da dat u pyrthat ha dong Loompyrtooh Pohskur, Mihmyntdu heiwa 4 tylli ki yung da piah ki yit, piah u toskhana, iñkhaw wei tkut lut ki wire light.
Kiwa sah ha i yung yong ka Kong Rimika Lyngdoh iwa toh joor bha ong ki wa ood bha i pdung wei da chah khyndang lut ki dwar wa khang wei piah ki it khiandwar wei kamjooh da piah ki khuri wa em ha ka yung chetja kawa em harood ini i yung.
Heipor wa dat u pyrthat em 8 ngut wa thiah hapoh yung tangwa embhah ym em wa mynsoo. Uwi na uwa sah heini i yung ong u wa heipor wa dat ka pyrthat man kamwa riñ ka light wei tyrsaiñ i doh i pran u.
Ha iwi tawan i yung yong ka Kong Neyo Dkar da piah u toskhana wa i chram wa em pyrchah ya uni u toskhana wa kamjooh leh iñkhaw lut ki wire light wei pdung ki cut-out.
Ha yung yong ka kong Threena Dkhar leh da piah ki yit dwar dei wa pdung lut ki meter light wei da iñkhaw ki wire light.
Sa iwi i yung yong ka kong Griselda Lyngdoh da lait ki tin da dor ki tin wa iñ lut ki wire light.
Kini ki soo tylli ki yung toh kiwa em marjan iwi ya iwi.
Cha jan kini ki yung leh em kawi ka dukan wa piah ki yit wa sa ha iwi i yung won da lait u meter light na i thaw pyndait ya oo.
Discussion about this post