Kawi na ki bynta yong ka lehniam Behdieñkhlam wa emkaam u pyndep ya ka ynne i janmiet hadien wa da pynhiar ya ki rot ki rong wa ki khnong ha Aitnar, da pyndep won leh sa ya ka Datlawakor ha sarok Pohsawiar (nadooh Mynthong hadooh Madan Siatthong).
Ya ka Datlawakor da yaleh hapyrdi ka liang u Langdoh uwa yahkhmat ya ka Pynthor Wah wa ka liang u Sangot Paswet uwa yahkhmat ya ka Pynthor Neiñ heiwa da chut ya ka lawakor kawa man ka bol dieñ deiwa emkaam wow pynpoi ya ka cha wakut ka liang pyrchah yow yoh yei jop.
Kani ka yakhun Datlawakor da man sakhiat ko kawa yoosuk bha heiwa pyn arliang da yaleh ki wow poi cha ka thong.
Ka yakhun ynne i jnamiet da kynjoh i hadooh kamwa 10 minit heiwa ka Pynthor Wah da man noh ko kawa jop.
Hadien ini u Dolloi ka Elaka Jowai, u Puramon Kynjing da e khublei u ya u Trekirot uwa da yah da chdooh ya ka niam ha uni u snem wei da ong u leh wa ka lehniam ha uni u snem yong ka Behdieñkhlam da man ko kawa jop.
![](https://i0.wp.com/wyrta.com/wp-content/uploads/2023/07/fthgdg2.jpg?resize=962%2C541&ssl=1)
![](https://i0.wp.com/wyrta.com/wp-content/uploads/2023/07/fthgdg3.jpg?resize=962%2C541&ssl=1)
![](https://i0.wp.com/wyrta.com/wp-content/uploads/2023/07/fthgdg4.jpg?resize=962%2C541&ssl=1)
![](https://i0.wp.com/wyrta.com/wp-content/uploads/2023/07/fthgdg1.jpg?resize=962%2C541&ssl=1)