Ka Annular Solar Eclipse namo i baamhynroh ka sngi daw jia i haka 21 tarik uni u bnai heiwa yeini daw ye u sakhi lut waroh haki jylla wa em cha khlieh ka ri ha ki kattu katni ki thaw wa em ha Rajasthan, Haryana wa ha Uttarakhand wei daw man ko ka Partial Eclipse ha kiwi won ki bynta ka ri iwa mut ka sngi ym chah baam lut ko waroh.
Ka Annular Solar Eclipse toh iwa jia heiwa u bnai ym em tymmoh lut u ya waroh kawi ka sngi heiwa narood waroh daw yoo yei tyrchaaiñ ka sngi katwa hapyrdi won doom lut. Wei ki thaw kiwa daw chynna yeini toh kam ha Dehradun, Kurukshetra, Chamoli, Joshimath, Sirsa, Suratgarh wa kiwi kiwi.
Ini i baamhynroh u man i neidaw wa kah u bnai ya ka sngi namo wa em u bnai hapyrdi ka pyrthai wa ka sngi.
Ha Meghalaya u chynna ya ini nadooh i por 10:58 wei u doom dooh heipor 12:46 wei ka sngi u chah tymmoh ko hadooh 77.8% wei u kut ini waroh heipor 2:24 iwa neh nadooh wa sdang 3 kynta 24 minit.
Kiwi de ki ri wow yoo yeini i baamhynroh toh Congo, Sudan, Ethiopia, Yemen, Saudi Arabia, Oman, Pakistan waka China.
Ym hoi wow pait dei khmat yaka sngi hawa jia ini lada du chibet donhi wa ye u chah ktah ki khmat.
