Daw booh Cinema Hall ka sorkar ha Jowai

Ka sorkar jylla da rai ko wow lai chakhmat yow chna ya ki Cinema Hall wa thymme ha Shillong wei wow pynbha pynmiat ya ki Library wa em ha kylleiñ ka jylla.

Yeini da pyntip da u Montri ka chnat Arts & Culture, u Paul Lyngdoh deiwa ong wa ar tylli ki Cinema Hall toh kiwa daw wai ha Shillong heiwa kawi toh ka Black Box Theatre ha Lariti Complex wa em ha New Shillong kawa da jan dep chna yow pynemkaam noh katwa kawi won ha pchem ka Library Auditorium kawa daw sdang noh u chna.

Da ong u wa kini daw yarap bha ki ya kiwa chna phlim kiwa napoh ka jylla yow yoh thaw ki wow pynyoo ya ki phlim ki wei najrong ka Shillong, ka sorkar leh da yooluti ko wow booh ya kini ki Cinema Hall ha Jowai wa Tura hapoh uni u snem mang tangka.

Da pyntip u leh wa daw wai ya ka Museum ha u bnai wow wan kawa em ha Library Auditorium Complex wei manda wai ya kani, ka Library Auditorium daw kyrriah ka chipor cha Rilbong wei hadien won daw kyrriah ka cha Brookside.

Related posts

Pynsah naam ka Seiñraij Jowai deiwa wai ya u motdur u Kambel Shullai uwa chem ya ka Khnap Thangbru

June 16, 2025

U chna pynmiat ya ka Kiang Nangbah Stadium katkam wa chah i thaw: Sniawbhalang

June 16, 2025

Heiyatoh wa ka Library da pyntip u wa daw pynlut Rs. 2 klur yow pynbha pynmiat ya ka State Central Library.