Heiyatoh wa i wan u Union Home Minister ka ri, u Amit Shah cha Shillong ha ka 7 tarik uni u bnai, neiliang ki pulit ka Shillong Traffic Police da pyntip ki wa daw booh ya ka No Entry nadooh na Lad Smit neibynta ki kari wa hiar cha Shillong.
Daw booh No Entry leh ha waroh ki sarok kiwa poi cha ki National Highway kiwa daw pynemkaam da ki VVIP nadooh 9:30 i step hadooh 10:20 i step ka 7 tarik.
Da kyntu ya ki paidbah wow yait nei lai cha Shillong kamjooh ki luti cha Shilllong ha kini ki por wa da kdaw haneiñ.
Kam wow pynkynmoo wa ha ka 7 tarik daw wan leh u Prime Minister ka ri, u Narendra Modi neibynta wow pynsmai ya ka sorkar thymme ka jylla Meghalaya wei ya ki No Entry da dep wow pynbna chwa iwa ye phi u puræ heini ha wah.
Puræ leh: Daw booh boon ki No Entry hawa wan u Modi cha Shillong ha ka 7 tarik
