Ynne ka sngi u Montri ka chnat Arts & Culture ka jylla, u Sanbor Shullai da wan pait u ya ki thaw wow booh ya ki ar tylli ki Mot u Woh Kiang Nangbah ha Jowai.
Yeini i wan u Montri toh katkam i dawa ka JSU wa ka Synjuk Waheh Chnong Jowai, wow booh ya ki mot u khlawait ka Ri-loom Jaiñtia, u Woh Kiang Nangbah ha Jowai.
Katkam i tyrwa na ka JSU wa ka Synjuk, toh wow booh ya kini ki mot ha District Library Auditorium wa hajan ka Kiang Nangbah Government College, heiwa i booh ya kini ki mot daw pynsahnaam wei daw pynkynmoo leh ya i yaleh uni u khlawait ka ri.
Ha District Library Auditorium da tyrwa wow booh ya uni u mot harood ka Gate, heithaw wa psiah cha kani ka yung katwa hajan ka Kiang Nangbah Government College won da tyrwa wei da rai wow booh ha Soolaad (hajan thaw psiah cha kani ka College) ha i thaw ka chnat Transport.
Neiliang u Sanbor da ong u wa lada emkaam daw paan ya ini i thaw na ka chnat Transport, wei da kyntu u ya ka JSU wa ka Synjuk Ki Waheh Chnong Jowai wow booddien yeini khnang wow ye u wow leh yeiwa emkaam neiliang yong oo.
