Ka DC ka East Khasi Hills da pyntip ko wa neidaw wa joor i ku kiwa yoh COVID-19 ha kiwi ki jylla wa em hapoh ka ri hadooh wa da em leh kiwa da hap wow pynkrehkaam yaka Lockdown, kamtæ yow yada leh nei ku kiwa yoh ya uni u khñiang ha Shillong kamjooh ka jylla waroh kawi, da phah ya kiwa chong dai dukan, kiwa dai mar kamjooh yaki paidbah wow bood ki yaki kyndon yada na uni u khñiang khamtam ha ki thaw wa em ki yaw ki haat.
Da phah ya waroh wow deiñ yaki Mask ha waroh ki por, kiwa ym em Mask daw chah daiñ kuna ki.
Hap leh wow yajngai uwi na uwi wei ym toh wow ya psiah lane ya yieñ khynnia ha i jooh i thaw.
Da phah leh wow saitkti dei langær da ka um wa i sabon lane deiwa pynemkaam ya ki Hand Sanitizer.
Da phah leh wow pynduna yei boon ki bru wa psiah chapoh i dukan.
Daw em leh ki Executive Magistrate deilang wa ki pulit kiwa daw wan pyntikna wa da bood ya kini ki kyndon kam chibynta wow yada naka la-ær wa ar kani ka khlam.
