Ka Ministry of Home Affairs da pynbna ko ya ka khusnam wa tip kam ka President’s Medal for Gallantry waka President’s Medal for Distinguished Services kamjooh ya ka Gallantry Medal & Meritorious Services Medals neibynta ki bru ka Fire Services, Civil Defence & Home Guards kiwa jooh saam ha ka Republic Day wa Independence Day man-u-snem.
Heiyatoh wa kani ka Republic Day, 2022, da jied ya 42 ngut ki bru ka wow yoh ya ka Fire Service Medals.
Na kini, ya ka President’s Fire Service Medal for Gallantry da e cha uwi katwa ya ka Fire Service Medal for Gallantry da e cha ki 2 ngut kiwa da leh ya ki kaam wa chlur.
Ya ka President’s Fire Service Medal for Distinguished Service da e cha 9 ngut katwa yaka Fire Service Medal for Meritorious Service da e cha 30 ngut katkam i kaam wa da leh ki.
Chooh chooh da e khusnam leh cha ki 25 ngut wa kyntup ya ki Volunteer wow yoh ki ya ka Home Guard & Civil Defence Medals iwa daw e ha ka Republic Day, 2022. Na kini ya ka President’s Home Guards and Civil Defence Medal for Distinguished Service da e cha ar ngut katwa ka Home Guards and Civil Defence Medal for Meritorious Service da e cha 23 ngut.
Na kini na Meghalaya da yoh u Tandronath Kharbani uwa man kam u Driver Constable ka Fire & Emergency uwa da yoh ya ka Fires Service Medal & Meritorious Service Medal.
U Willy Nonglang uwa man kam u Dy. Controller (CD) da yoh u ya ka President’s Home Guard & Civil Defence Medal for Distinguished Service.
U Sh, Sangma Kukesh, Sub-Inspector (HG) wa u Sh. Liver Lyngdoh Havildar (HG) da yoh ki ya ka Home Guards & Civil Defence Medal for Meritorious Service.
