Ha ka lehkmen lyngkhooh snem wa 75 hadien wa jop ya ka thma bah wa ar (Second World War), da jooh pynman ya ka Military Parade ha Moscow wow kynmoo warom ya ki chipai ka Russia wa kiwi ki ri wa yalok ya ka.
Kam wow pynkynmoo heini, u montri rangbahdooh ka ri, u Narendra Modi da thoh u cha u President ka Russia, u Vladimir Putin wow ekhublei ya oo ha ka Victory Day- kawa da man ha ka 9 Naisan, 2020.
Heijooh i por neiliang u montri yada ri ka India, u Rajnath Singh da ekhublei u leh ya u Sergei Shoigu uwa man u montri yada ri ka Russia.
Ha kani ka kynti, u montri yada ri ka Russia da khut sñiawbha u ya ka dhab ki chipai India wow chimbynta ha ka Victory Day Parade ka wow man ha ka 24 tarik uni u bnai ha nongbah Moscow.
Heiyatoh wa ini, u Rajnath da rai u leh wow phah 75 ngut ki chipai (Tri-Service Contingent) wow chimbynta ha kani ka Parade, heiwa daw em leh ki chipai na kiwi ki ri wow chimbynta ha ka.
