Ka Dorbar Mang Tyngka ka sorkar pyrdi namo ka Union Budget neibynta u snem krehkaam 2021-22 da tyrwa ko wow chna hadooh 100 tylli ki Sainik School thymme ha ka ri deiwa krehlang wa ki seiñ, ki skur samen, ki jylla wa kiwi kiwi.
Yeini da pyntip da ka montri ka muna poisa ka ri, ka Nirmala Sitharaman ynnin ka sngi ha Parliament.
Kini ki skur u esikai ki katkam ka ‘CBSE Plus’ deiwa bood ya ki rukom esikai ki Sainik School.
Ya kini ki 100 skur da tyrwa wow em ki hapoh ka Sainik Schools Society.
I thong wow chna ya kini ki Sainik School toh wow pynkhreh ya ki khynnah wow psiah ki cha ka National Defence Academy.
Katkam wa man katni, da em 33 tylli ki Sainik School ha kylleiñ ka ri wei nadooh u 2021-22 daw pdiang leh ya ki khynnah kynthai nadooh Class VI ha kini ki 33 skur.
