U Chief Minister ka jylla, u Conrad K Sangma ynne da pyntip u wa da pynsmat wow chna ya ka Veterinary College, Fishery College wa ka Dairy College, yeiwa da tyrwa ka Cabinet ha u 2022.
Da ong u wa kini ki College man ki kiwa emkaam hawa pyrkhat wa boon na ki bru na jylla toh kiwa psan mrad, wei yeini da jubab u yeiwa kylli ka MLA ka NPP na Gambegre, ka Mehtab Chandee A Sangma.
Da khana u wa ki Veterinary Training Centre em ki ha kylleiñ ka Meghalaya, hanla ym kynmoo u katwon tylli wei heiwon em ki.
Ka Mehtab da kylli ko yei duna kiwa kreh ha kini ki Training Centre, heiwa u Conrad da ong u wa ini man iwa sñiawkhia wei daw pyntikna wa daw pyndap yeiwa duna ha kini ki thaw.
Hajrong i slem u pynkhreh ya ka Detailed Project Report (DPR) da jubab u wa jooh chimpor hi i khamtam hawa thooh ya ki thaw wa kiwi.
Da khana u leh wa emkaam Rs. 334 klur ya ka Veterinary College, i thaw wa 800 Acre yeiwa da jied ha Kyrdemkulai ka Ri-Bhoi.
Discussion about this post