Kat dang mih ki sngi i khynñia kari ha Jowai dang joor i heiwa ka sorkar lyngba ka chnat PWD da yaleh ko wow thooh ki laad wow pynkyllooid ya ki sarok deiwa pynmih ya ki sarok kam ka Jowai Bypass na Soomer cha Thadlaskein.
Ha kani ka kynti da sdang chna noh sa ya kawi ka Bypass wa thymme na Treiongriang na u sarok Jowai-Amlarem-Dawki cha Riatturiem ha u sarok Jowai-Shillong (na yingkieñ Treiongriang hadooh hajan Hilltop).
Uni u sarok jrong u kamwa 5.915 Km wei daw chna ya oo hei lut wa T. 9358.66 lak deiwa yoh yarap poisa na ka Ministry of Road Transport and Highways ka sorkar India.
Ha uni u sarok thymme daw em le tylli ki yingkieñ kiwa jrong 10 Meter, 18.75 Meter wa 52.50 Meter.
Hawa yaklam wa u Executive Engineer ka PWD Jowai Central Division, u M. Tang da pyntip u wa i daw wa slem wow kreh ya uni u sarok toh wa yang wow yohbor namo ka NOC na ka chnat khloo neibhah wa uni u sarok daw lai u lyngba iwi i khloo.
Puræ leh: Sñiawkhia ka KYWM yei pynkreh ya u sarok thymme na Riatturiem cha Treiongriang
