Ynne ka sngi, u montri rabgbah ka jylla, u Conrad K Sangma, da wan booh u ya u mooyurim wow chna pynheh wei chna pynmiat ya u sarok Pasyih-Garampani Road uwa jrong 26.982 Km.
Ya uni u sarok daw chna ha i lut wa T. 62.49 klur hapoh ka Meghalaya Integrated Transport Project yong ka PWD deiwa yoh ya ka ram na ka World Bank.
Uni u sarok sdang u na Phramer yong u sarok Jowai Ratacherra Road (NH 6) wei kut u ha Saphai wei jrong u kamwa 46.982 Km wei i bynta wow chna pynheh chna pyiat ya oo toh nadooh 21 Km hadooh 47 Km (iwa jrong kamwa 26.982 Km).
Ha kani ka sngi da emlang u symbood montri rangbah ka jylla, u Prestone Tynsong, u montri ka chnat Transport, u Sniawbhalang Dhar, u MLA ka Mowkaiaw Constituency, u Nujorki Sungoh wa u MLA ka 3-Raliang Constituency u Comingone Ymbon wa kiwi kiwi.
U Nujorki Sungoh hawa e yei klam da ekhublei ya kiwa embynta wow wanrah ya kani ka Project deiwa kyntu leh ya ki paidbah wow embynta wow kyrchaan ya i kreh khnang wa man iwa lai bait yow suk won ki hadien habood .
Da kyntu u leh ya u Conrad ya ki sarok wa dang sah hapoh ka thaaiñ wow chna noh ya ki.
Ha kani ka sngi, u Conrad hawa e yei klam da ong u wa ka jylla emkaam u man ko kam i doh i pran heiwa ki kjat ki kti, ki kmhat, wa kiwi i bynta emkaam wow man ki kiwa khlan katwa kamtæ ka sorkar da leh ko katwa ye neibynta ini.
Ka sorkar u pyntikna ko wa ki kaam pynroi u poi ki kylleiñ ki thaw deiwa kdaw ya ki kattu katni ki kaam wa da leh ka sorkar wei wa u sarok toh uwi na kiwa emkaam dooh wow pynku ya i yoh i la ka chnong ka thaw.
Ki chnong wow myntoi na uni u sarok toh ka Pyntei, Biar, Chatwakhu, Nongkroh, Lakadong, Saphai wa kiwi kiwi.
Ya i kreh u sarok da ekti ha u Rocky Dhar & Dhar Construction Company heiwa da yoh ya ka poisa ha ka 5 Khonchonglad (November) 2020 wei emkaam wow pyndep ya i kreh hapoh 42 bnai.
