Daw chna ya ka Artificial Football Turf wa Rs. 10 klur hapoh 18 bnai ha Riangdo 

U Montri Rangbah ka jylla, u Conrad K Sangma, ynne da booh mooyurim u ya ka Artificial Football Turf ha Riangdo Playground, West Khasi Hills, hei emlang u Montri ka chnat Sports & Youth Affairs, u Shakliar Warjri, u MLA ka Mawshynrut, u Methodius Dkhar wa u Deputy Commissioner ka West Khasi Hills, u LSN Garod Dykes. 

U Conrad K Sangma da ong u wa ka madanbol ka Riangdo man ko ka thaw kawa emkaam ym du ya ka Riangdo tangwa kiwi ki chnong wa marjan wei ha ki 52 snem ym em iwon iwon i kreh ha ka madan. 

Da pyntip u wa Rs. 10 klur da pynlait wow chna ya kani ka Riangdo Playground wei i kreh u pyndep hapoh 18 bnai. 

Chooh chooh da ong u wa ka sorkar da chna ko chiboon ki madan ha ki san snem bar ha ki 45 snem wa da lai iwa pynyoo yei mynsien ka sorkar wow kreh neibynta ki kaam wa bha.

Related posts

Super Division SBSA : Jop ka Jalaphet Pyrdung ya ka Shnongrim SC

November 16, 2024

Rah ka Chutwakhu ya ka 12th Chatister Kharkongor Memorial Trophy

November 16, 2024

Heiyatoh waka Meghalaya Football Team ha ka Khelo India Youth Games heiwa ka Meghalaya Under 18 Football Team da pynrem ki yaka Punjab haka Final, u Conrad da ong u wa ini man iwa sñiawsarong bha. Da ong u wa ka sorkar u yaleh ko u kyrchaan wei wow chna ya ki thaw yalehke wa har rukom. 

Heijooh i por da ong u wa ka Meghalaya Games kawa da pynman khlieh u snem ye leh u pynman ka ha West Khasi Hills ha ki snem wow wan manda dep chna lut ya ki thaw yalehke. 

Da khana u leh ya ki laad yarap poisa wa ki khusnaam poisa kamjooh ki Scholarship wa e ka sorkar cha kiwa yoh takma kamjooh kiwa ku ha ki yalehke. 

U Conrad da ong u leh wa ka sorkar daw kreh ko wa ki Sports Association waphær waphær wow pynku ya ki yalehke hapoh ka jylla.