Daw chong kyllaiñ myngngor ka HANM wow dawa pynbait ya u pood ka Meghalaya-Assam

Shillong: Ka Hynniewtrep A’chick National Movement (HANM) da dawa ko wow pynsmat noh wow pynbait ya u pood u ang hapyrdi ka jylla Meghalaya wa Assam, wei wow pynjoor ya ini i dawa neiliang ka HANM daw pynman ko ya i chong kyllaiñ myngngor ha nongbah Shillong ha ka 20 tarik uni u bnai.

Hawa yaklam wa kiwa pathai khubor, u Pesident ka HANM, u Lamphrang Kharbani da ong u wa ini toh is dang yong ka yakhun yong ka seiñ wow pynbait noh ya u pood ka jylla. Da ong u leh wa ini i yakhih ka seiñ toh wow pynbor ya ka sorkar India wa ka sorkar jylla wow pynbait noh ya u pood u ang.

U Kharbani da ong u wa heipor wa u Prestone Tynsong yalap u neibynta ka Election MLA 2018 da ong u wa lada ka NPP wan ko hei bor daw pynbait noh ko ya u pood u ang, wei uwa yahkhmat ka HANM da pynrap u wa katni ka NPP da yoh ko wow yahkhmat ya ka sorkar wei da toh noh wow pynbait ko ya u pood u ang ka jylla.

Chooh chooh u Kharbani da khut u ya kiwi ki waheh yong ki chnong khappood wa kynthup na Block-I & Block-II wa Langpih wow chimbynta ha kani ka yakhih wow pynbor ya ka sorkar.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha iwi i liang da ong u wa ka HANM da rai ko wow dawa pynkrehkaam ya ka ILP ha ka jylla deiwa kyrchaan yei dawa ka Confederation of Hynniewtrep Social Organisation (CoHSO).