Shillong: Ka KSU Mawkyrwat Circle daw pynman ko yei yakhih chong kylleiñ mynngor namo ka Sit-in Demonstration ha ka 22 tarik uni u bnai ha Mawkyrwat (mar chiliang ka Mawkyrwat CHC) nadooh 11:00 i step kam ka dak wow pyrchah yei wym mano ka sorkar yei dawa ka seiñ.
Kam wow pynkynmoo heini ka seiñ da dawa ko wow thung ya u District Medical & Health Officer (DM&HO) wa pura ha South West Khasi Hills District neibhah da jooh yachem ko wa u Director of Health Services (MI) yong ka chnat da kubur u leh yei tlot i krehkaam ka chnat.
Hajrong ini ka seiñ lyngba ka KSU South West Khasi Hills District da e por ko chi tayaw wow thung ya u District Medical & Health Officer wa pura ha ka District kattu la chisnem tam tangwa khlem mih soh.
Chooh chooh ka seiñ da dawa ko leh wow chna pyndep ya ka 100 Bed CHC ha Mawkyrwat yeiwa da dawa ko nadooh u 2017 katwa dang man montri ka chnat i chait i khiah ka Roshan Warjri hadooh kani ka kynti wa man montri u AL Hek tangwa ka kaam man ko kawa dang sahteiñ bait.
Ini i yakhih kylleiñ mynngor u man i ha laad CHC Mawkyrwat ha kani ka sngi nadooh 11:00 i step hadooh 3:00 nohchariñ ka sngi.
Kamtæ ka seiñ da khut ko ya kiwi tawon ki para seiñbhalang wow ya emlang wei wow kyrchaan ya ka ha kani ka sngi khnang wa ka yakhih wa i dawa u man i iwa jop.
Also Read: Chi tayaw e por ka KSU wow thung ya u DMHO wa pura ha South West Khasi Hills District
Discussion about this post