Daw chong pyrkhat kiwa sikai SSA yei tyrwa pynku tulop ka sorkar

Ka Meghalaya SSA School Association (MSSASA) daw phah jubab ko yei tyrwa hajrong i rai ka sorkar wow pynku noh ya ka tulop yong ki palat 12,541 ngut kiwa sikai SSA hapoh ka jylla.

Hawa yaklam wa kiwa pathai khubor ynne ka sngi, u President ka MSSASA, u Aristotle C Rymbai da ong u wa daw chim rai lang ki ha ka yalang ka General Executive Council (GEC) ka wow man ha ka 21 tarik uni u bnai hajrong ki jubab kiwa da yoh na u Director of School Education & Literacy (DSEL) wa State Project Director, Samagra Shiksha Abhiyan (SSA) yei pynku tulop wa i thung kreh wa pura ya kiwa sikai SSA.

Da pyntip u wa ka MSSASA da yachem ko wa u Director ha ka 10 tarik, heiwa da pyntip ya ka Association wa da yoh pdiang ya ka hukum na u Commissioner & Secretary ka chnat Education wow booh chwa ya katni ya i tyrwa wow pynku tulop.

Kawi won wa da tyrwa ka chnat toh wow rah cha ka Cabinet heiyatoh wa i thung kreh pura noh ya kiwa sikai SSA.

Related posts

Deiwa chrai ya ka kurim noh chynnam uwa yah ya ka kari chapoh lyngkha

November 24, 2024

Pynskem ka WJSU ya ka Satpator Sub Circle ka wow pait ya 5 tylli ki chnong

November 24, 2024

Katkam wa ong u, ka Association da pynman ko ya ki yalang wa boon wa ka sorkar ha ka kyrdan u Symbood Montri Rangbah wa u Montri ka chnat Education hajrong kini ki artylli ki kaam.