U Deputy Commissioner ka East Jaiñtia Hills District, da pyntip paidbah u wa ka sorkar India da e por ko ya ka sorkar jylla wow pynbiang ryntih noh wut-wut ya ki Aadhaar yong ki khonboo wa khynnah kiwa yoh myntoi ya ka Scheme Supplementary Nutritional Program (ka Scheme wow e baam ya ki khynnah).
Kani ka Scheme man ko i kyrkhu ya ki khynnah khian kiwa da yoh baam da kiwa tei ya i doh i pran yong ki tangwa daw dooh myntoi ki lada ym em ki ya ka Aadhaar Card.
Kamtæ da kyntu ya ki bei wa ki pa ki khynnah wow chimkhia ya ini kamjooh ya kiwa da heh da san wow mih cha ki thaw wa da booh kyrpang neibynta wow chna ya ki Aadhaar Card wei lada ki khon yong ki ym em ki ya ka Birth Certificate, ki bru kiwa da booh da ka sorkar daw yarap ki wow batai kammon wow leh khnang wow pynsuk ya ki paidbah.
Kiwa chna Aadhaar da pynbait na ka yung krehkaam yong u Deputy Commissioner wei daw wan ki cha ki chnong ki thaw katkam ki sngi wa da booh kyrpang wei daw chna Aadhaar Card ya ki khon khian leh kamjooh.
Kam wow kdaw heini ka sorkar India daw pynsangeh noh ko ya ka poisa yong kitu kiwa mylla chispah sngi (Job Card Holder), Smart Card (MHIS) wa kiwi kiwi ki Scheme ka sorkar India lada ym em ki ya ka Aadhaar Card namo khlem Register deilang wa ka Aadhaar Card.
Kamtæ da kyrpaad ya waroh kiwa chong chnong ka District wow sñiawbha u chimkhia ya ini lym kamtæ daw man i dooh myntoi iwa khroo.
