Daw e khusnaam ka JSM ya kiwa na Ri Jaiñtia kiwa lehbha ha ka SSLC, HSSLC wa Graduation

Ka seiñ Jaintia Students’ Movement (JSM) da pyntip ko ya ki khynnah puræ kiwa na Ri Jaiñtia kamjooh cha ki bei ki pa wa neiliang ka Education Cell-Central Body kamwa jooh leh man-u-snem da rai ko wow pynman biang yei e khusnaam kawa tip kam ka 7th Academic Excellence Award, 2025.

Kani ka Award toh du ya kiwa lai puræ kiwa napoh Ri Jaiñtia donhi kiwa yoh 80% chaneiñ ha ka SSLC (ym pdaing ya kiwa yaleh ya ka Supplementary Exam), HSSLC wa ka Graduation. 

Kamjooh daw e leh da ka Exceptional Award cha kiwa wanrah naam rah burom ya ka Ri Jaiñtia deiwa jop ha kiwon kiwon ki jait yalehke wa da pynman da ka State/National Level.

Ya ki kot ki sla namo ki Documents kam ka Registration Card, Mark Sheet, Contact Number, i pyrtuid chnong wa kiwi wa emkaam toh u pynpoi cha u Education Secretary-CB, u W.R.D Siangshai deiwa phah lyngba ka WhatsApp ha u Number-8787789140.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Ka tarik wa khaddooh u pdiang ya ki kot ki sla toh hadooh ka 11-08-25.

Ya ka tarik wei i thaw wow pynman ya kani ka e khusnaam daw pyntip won hadien.