Ka chnat puræ puthi ka jylla da pyntip paidbah ko wa heiyatoh wa ki khynnah ka Meghalaya wa dooh u yaleh ya ka Exam CUET 2023 wa daw e laad ya ki deiwi tawon.
Kam wow kdaw heini hei chimkhia ka sorkar jylla da thoh ko cha ka Ministry of Education wa cha ka National Testing Agency wow pyntip wa boon ki khynnah ka jylla kiwa ymye ki wow yakhun ya ka CUET na ki daw wa boon khamtam kiwa chah booh u yaleh Exam cha baar jylla.
Heiyatoh wa ini neiliang u Montri Rangbah ka jylla da thoh u cha ka sorkar pyrdi wow chimkhia yeini khamtam hadien wa yoh ki ya ki Admit Card ha ka 14 tarik wei ka Exam u man ko ha ka 16 tarik heiwa boon na ki Centre wa yoh ki khynnah em ki cha baar ka jylla.
Kam wow pynkynmoo wa ka Meghalaya da pynlait ya ka na ka CUET tangwa kiwa kwah wow lai puræ cha baar jylla dang hap hi ki wow yaleh ya kani ka Exam.
Puræ leh: Thoh u Conrad cha ka sorkar pyrdi hadien wa booh thaw thoh CUET ya ki khynah cha ki thaw wa jngai
