Ka Bosco Pnar Multi-Purpose Vocational Training Centre daw pynman ko yei e sikai wa 3 bnai iwa dei mynkna yow tip u chna kari (Auto Mechanic) kam chibynta ka Skills Meghalaya.
Ka Bosco Pnar man ko kawa da tipmit da ka Meghalaya State Skill Development Society (MSSDS) yow e sikai hapoh ka Skills Meghalaya wei kani ka e sikai chna kari daw pynman ha ka Training Centre ka Bosco Pnar hi wa em ha Saliny Colony, Jowai.
Najrong i sikai wa dei mynkna wow chna kari, da em leh ka thaw sah namo ka Hostel kawa dei mynkna.
Kam wow pynkynmoo wa ka Skills Meghalaya toh kawa da sdang da ka sorkar Meghalaya yow pynkupbor ya ki khynroo khyllood deiwa e sikai boon jait yow ye ki wow seiñ khih wei wow yoh khreh.
Heiyatoh wa kani ka e sikai Auto Mechanic ye phi u lai chim Form na Bosco Pnar hi wei ye leh wow Phone ha ini i Number- 7005692482.
Kiwa yaleh ya kini toh u man ki kiwa da dep puræ Class-VIII chaneiñ wei toh leh u man ki kiwa da dap 18 snem.
Daw jied 50 ngut ki wow yoh ya kani ka chah sikai wa mynkna wei chwa u jied daw em leh ka Written Test waka Personal Interview.
Discussion about this post