Jowai : Ka District Basin Development Unit daw pynman ko ya ka esikai wa chi sngi hajrong wa kammon u ye u pyllang ya ka um slap ya kawa da tip leh kam ka “Orientation Programme in Low Cost Rain Harvesting Technology”.
Kam kani ka esikai toh kawa nyngkong ha jylla Meghalaya heiwa daw wan sikai da u Shivakumar AR, Senior Scientist na ka Karnataka State Council for Science and Technology, Bangalore uwa man leh kam uwi na ki stat uwa da batai chapang ini ha ki kotdur (magazine) kam ka Fobres, Time, Business Today wa kiwi kiwi.
Kani ka esikai da bhah ha ki ar bynta, ha ka bynta wa nyngkong næ ka Morning Session da mang kyrpang ya ki bru paidbah, ka wow ye u pdiang hadooh 150 ngut ki paidbah wa 50 ngut ki sahep (Officers / Engineers).
Ka bynta wa ar won toh neibynta ki sahep sorkar donhi kawa da booh hadooh 50 ngut.
Kani ka esikai u man ko ha ka 29 Naikhynde (September), 2016 nadooh 10 waje i step. Kiwa kwah u embynta ha kani ka esikai toh u e ki yei pyrtuid ki ha namo chwa ka 27 tarik hapoh 5 waje i janmiet.
Ya ki bru wa ye u yoh myntoi na kani ka esikai daw pynbna da ka District Basin Development Unit wei ye leh u register ha ka Basin Branch kawa em ha Office DC næ phah i pyrtuid lyngba u WhatsApp No. 9436394363 deiwa batai bniah chaphang yong ki.
Discussion about this post