Daw e yarap poisa chooh ya ki Block wa thymme: Mukul

Tura: U Montri Rangbah ka jylla u Dr. Mukul Sangma da kular u wow pynyoh poisa pyntam cha waroh ki C&RD Block yow smat ki u sdang krehkaam, da ong u ya ini ha ka yalang wai ya ka Bajengdoba C&RD Block ha North Garo Hills District ynnin ka 4 tarik.

Da ong chooh chooh u wa i thong ka sorkar toh yow pynwiar yei lai chilliang i kaam pynroi yow poi salonsar ko cha waroh ki bynta ka jylla ini toh iwa da kular ka Congress cha ki paidbah.

Da pyntip u wa 186 tylli ki chnong kiwa em 50,000 ngut ki bru daw yoh myntoi ki na kani ka Block thymme wei daw yoh smat ki ya ka bai nongsngi hapoh ka MNGNREGS deiwa em kani ka Block thymme.

Da ban joor u yei emkaam u pynboon ya ki Block hapoh ka jylla neibhah neiliang yong ki ye ki u wanrah ya ka roi ka paar, kamtæ ka sorkar leh da booh kyrpang ko ka poisa chiboon bha ka wym jooh em leh nadooh wa mih ka jylla Meghalaya.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da kyntu u leh ya ki paidbah wow im ki dei suk dei saiñ yow pynyoo waka jylla toh kawa yatylli wei kiwa sumaar sukhær ya kiwa tlot.

Ha kani ka jooh ka sngi u Dr. Mukul Sangma da wai u leh ya ka Inspection Bungalow of PWD (Roads) ka wow man kam ka thaw kreh wa chipor kani ka Bajengdoba C&RD Block.