Daw elaad chwa ya ka sorkar MDA wow synchaar: Congress

Shillong: Ka Congress ha Meghalaya da pynksan ko wa daw wan biang ko hei bor ha ka jylla hadien wa chah pynrem ko ha ki ar tylli ki Election chiteiñ samoi hapoh ka jylla.

Hawa yaklam wa kiwa pathai khubor u President ka MPCC, u Dr. Celestine Lyngdoh da saitkhooid u yei kyntien wa ong wa ka Congress ha Meghalaya da kut ko, deiwa ong wa ym em wa ye u ong chwa wa ka Congress da kut ko hapoh jylla deiwa ong wa ka party kreh chitom ko wow wan biang hei bor.

Da ong u wa hanlada ka party yaryngkat i em ki MLA wa ka NPP tangwa ympu kwah ko wow chna sorkar neibhah ympu em yoh lok ko wei daw yang chwa ko chipor kattu.

Neiliang u uwa ektien ya ka Congress da ong u wa ki paidbah ym em e rai ki wa ngait ki du ya kawi ka party neibhah wa ka Congress wa ka NPP yoh ki mar 20 ngut ki MLA, wei na ini i daw ka party elaad ko ya ka NPP wow yahkhmat ya ka sorkar.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u leh wa ini man i wow elaad leh ya ki paidbah wow pait wei wow bichaar ya kani ka sorkar thymme, lada ye namo ymye ko wow pyndep ya ki kaam wa da khlai ko chwa ka election.

Katwa uwa yahkhmat ka Congress u Gaurav Gogoi da ong, u hawa ka NPP sñiaw ko wa khlan toh u chna sorkar ko samen, neibhah nadooh chwa election da pynsñiaw ko wa ym kwah ko wow chna sorkar wa ka BJP. Tangwa katkam wa man katni da yoo wa ka NPP ymye ko wow chna ya ka sorkar samen ha kani ka jylla.