Kam chibynta yong i lehkmen ya ka sngi wa kyrpang ki khynnah, ka Woodland WK Hospital, Sabahmuswang, Jowai daw pynman ko ya ka Pre-Children’s Day Awareness Cum–Free Health Camp ha ka 13 tarik uni u bnai ha kani ka thaw sumaar nadooh 10:00 waje i step hadooh 2:00 waje i sngi.
Ha kani ka sngi ki Doctor wow wan e sumaar ya ki khynnah kynthup ki ya u Dr. Peter Daniel u In-house Pediatric Surgeon Consultant wa ka Dr. Snigdha kawa man kam ka In-house Pediatric Consultant, Woodland WK Hospital.
Neiliang ka Woodland WK Hospital da ong ko wa katni ym em ware u chimkhia ki bru ya i chait i khiah ki khynnah kamtæ u pynman ko ya kani ka Camp khnang wow pynsñiawthooh wa ki khynnah hapoh ka jylla wa khamtam hapoh ka District wa emkaam u man ki kiwa chait wa khlan.
Kajiak chaphrang kini ki ar ngut ki Doctor:
U Dr. Peter Daniel da pyndep u ya ka MBBS na St. John Medical College & Hospital, Bangalore. Da pyndep u ya ka Master in Surgery na Medical College & Hospital, Kolkata wei da sdang kreh u kam u Senior Residency ha NEIGRIHMS Shillong. Hadien wa pyndep u ya ka Senior Residency da puræ u ya ka Super Specialty Training ha i Pediatric Surgery na Lady Hardinge Medical College & Kalawati Saran Children’s Hospital, New Delhi. U Dr. Peter sñiaw u wa i chait i khiah ki khynnah toh iwa da kheiñstiñ khamtam heiyatoh wa i sumaar (surgery) ya ki.
Ka Dr. Snigdha da pyndep ko ya ka MBBS na Kolar hapoh ka Rajiv Gandhi University of Health Science, Bangalore neitæ ya ka DNB na BC Roy IPGMS, Kolkata. Da jooh kreh ko kam ka Consultant ha kiwa boon ki thaw sumaar kiwa kynthup ya ka Manipal Hospital & Narayana Superspeciality. Ka Dr. Snigdha man ko kawa ka’it bha ha i rukom sumaar ya ki khynnah wa ki khonboo namo Pediatric & Neonatal Care.
