Shillong: Dei thmu wow yah ya ki khynroo khyllood wa sah cha ki thaiñ khappood yow lait ki u jied ya ki kaam pyrchah aiñ kam wow emkti wa ki seiñ kieñ suloi, ka Border Security Force (BSF) daw pynman ko ya ka pynsñiawthooh paidbah wa chibnai yow yoh ki khynroo khyllood u sñiawthooh ya ki luti wa jied ki.
Hei klam u kongsan ha ka Skill Development Programme,u P.K. Dubey, Inspector General, Border Security Force (BSF), Meghalaya Frontier (Meghalaya Ftr) da ong u wa i thmu kani ka sngi toh wow chim ki ya ka laad wow jied ki ya ki wow kreh wa ki Central Armed Police Forces (CAPF).
Da ong u leh wa da boon ki por wa neidaw wa dooh khih dooh khan ki da jied ki ya ka luti wa bakla kamtæ ye ki u pynemkaam yei sap yong ki deiwa kreh lang ki waka sorkar kam ki kaam chipai.
U Director of Employment & Craftsmen Training, B. Hajong da ong u wa hadooh 17,000 ngut ki khynroo wa ym em khih da yoh ki i sikai waphær waphær.
Wei da ong u leh wa 75 ngut da lai ki cha khmat heiwa 4 ngut naki toh ki kynthai.
Kani ka e sikai wa katni u sdang ko nadooh ka 1 tarik uni u bnai wei daw kut ko ha ka 30 tarik uni hi u bnai.
Discussion about this post