Hadien wa boon snem wa ka jylla ym yoh ko da kiwa napoh ka Bri U Ynñiawtrep wa ye u pyndep ya ki Civil Service Exam ka ri, neiliang ka Khasi Students’ Union (KSU) CEC da chim ko yaka rai wa ka luti kawa nyngkong wow e da ka Scholarship cha ki khynroo khyllood yow pynpliah pynbiang ki ya idæ neibynta ka Union Public Service Commission-Civil Service Exam yow ye u sai da ki paradoh parasnaam kam ki Civil Servant kiwa ye wow kyntu ya ka jaitbru.
Ka seiñ daw pynman ko ya ka Entrance Exam wei ki kattu katni daw yoh ki da ka Scholarship yow yoh u lai cha kawi na ki Coaching Center kawa paawnaam wa da pynbait da ka seiñ ha nongbah Delhi.
Hawa yatoh wa ini wei yow yoh ya ka yutip wa bniah, ye wow lai ha ka website ka seiñ hajrong i rukom jied neibynta wow yoh sikai ha ki Coaching Center kiwa em ha nongbah Delhi, wei napoh ka website ka seiñ ye leh wow Download ya ka Form.
Da kyntu leh wa chwa wow pyndap ya ki Form wow sñiawbha ki wow puræ bniah ya ki kyndon waroh wei hadien wa dadep wow pyndap, toh u phah yaka Application Form ka yong ki cha ka email: [email protected] hapoh ka tarik wa da booh.
Ka website ka seiñ toh https://www.khasistudentsunion.com/.
