Hadien wa sdang iñ ki khloo ha Australia nadooh u Naikhynde wei i dang kyrooh bait i hadooh ynne ka sngi, ka montri yong ka Victoria Emergency Services, ka Lisa Neville da ong ko wa i diñ dang poor chooh chooh i wei ye i leh wow ktah ya kiwa boon ki chnong.
Ki heh ka sorkar ka ri Australia da kyntu ki ya ki paidbah ki chnong wa ki sor ha jylla Victoria wa New South Wales wow yut chipor na yung wa ki chnong yong ki neidaw wa daw ku chooh chooh i chit i bneiñ kamtæ i iñ khloo leh daw joor i.
Hadooh wa man katni i iñ ki khloo ha Australia da ktah i palat 10.3 Million Hectare i thaw heiwa ki khloo da iñkhaw lut ki plak.
U montri rangbahdooh ka ri, u Scott Morrison ha kani ka tayaw hawa yaklam wa kiwa pathai khubor da ong u wa i iñ ki khloo daw pteiñ chooh chooh i ha ki bnai wow wan.
Da pynbna u leh wow booh $2 Billion hei wow sdang ya ka National Bushfire Recovery Fund, ka wow yarap ya ki manyung wa ki chnong wa da chah ktah ha i iñ khloo.
Discussion about this post