Ka India Meteorological Department (IMD) da pyntip ko wa daw pteiñ i joor slap ha Meghalaya nadooh ka 9 tarik hadooh ka 13 tarik uni u bnai.
Heiwa ha kini ki 24 kynta hadooh 8:30 ynne i step i joor slap man i kamni ha wah:
Baghmara 153.8 mm, Williamnagar 98 mm, Tura 92.4 mm, Shella 158 mm, Mawkyrwat 73 mm, Mineng 98.5 mm, Rongara 109.5 mm, Mawsynram 54.4 mm, Khliehriat 32.8 mm, Jowai 41.4 mm, Amlarem 66.5 mm, Barapani 41.9 mm, Sohra 32.4 mm, Shillong 17.6 mm.
I rukom kheiñ yei joor slap toh 64.4-115.5 mm chi sngi da man iwa da joor, nadooh 115.6-204.4 mm toh wa da joor bha katwa 204.5 mm chaneiñ toh uwa da joor cha wa palat.
U slap wa joor bha daw wan u haka 10 wa 11 tarik khamtam ha East Khasi Hills wa West Garo Hills wei daw joor u leh haka 12 wa 13 tarik kamjooh ynne ka 9 tarik.
I joor u slap ha kini ki sngi wow wan toh ha ki bynta ka East Khasi Hills, South West Khasi Hills, West Khasi Hills, East Jaiñtia Hills, West Jaiñtia Hills, West Garo Hills, South Garo Hills wa ha South West Garo Hills.
Kamtæ da kyntu ya ki paidbah wow man kiwa syndong hawa lai wa wan neidaw wa joor u lyoh, wa ye u em i chlai um, i oor khyndaw hadooh ka pyrthat. Da kyrpaad leh wym toh u lai chajan ki um ki wah ha kini ki por wa joor slap.
Puræ leh: Khlaad soo ngut ha Ri-loom Garo nei oor khyndaw hadien wa joor u slap
