Daw ker yow pood wa ka Bangladesh katkam wa emkaam ki paidbah : DC WJH

Jowai : Ki dkhot ka Co-Ordination Committee on International Border (CCIB) hei em lang wa ki dkhot ka FKJGP, HNPF, KSU ynnin ka 11 tarik da yachem ki wa u CEM ka JHADC u ma Thombor Shiwat yow kyrpad wa ka JHADC u em bynta lang ko hei yatoh wow pynbeit pood ka Ri India wa ka Bangladesh khamtam na u Dawki Pillar No. MP: 1273 hadooh Jaliakhola Pillar No. MP: 1299.

Da ong u wa ya u pood wa em katni toh wa leh jhan heipor chna ya ka ri Bangladesh wei boon ki thaw wa jooh pynemkaam ki bru Jaintia da hap ki chapoh Bangladesh.

Ki dkhot ka CCIB ong ki wa lada ker pood kamwa thmu wa jngai hadooh 150 yards na u morcha boon ki thaw ki bru War- Jaintia ki wa man leh ki thaw rep daw dooh noh ki yaki. Neitæ i daw ka CCIB kwah ko wa u ker ya u pood katwa ye cha jan ki morcha (Pillar) yow lait u dooh thaw kiwa rep.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Neilang u CEM da ong u wa neiliang ka JHADC da dep e NOC hei yatoh wow e thaw yow ker pood wei wa lada chem ki wa boon ki thaw na ri-Loom Jaintia daw lai ki cha Bangladesh daw withdraw ya ka NOC.

Hei yaklam u DC ka West Jaintia Hills ong u wa da boon ki survey wa dep leh hei yatoh wow pynbeit pood wei da dep leh da ka Survey of India ha u 2011 kamjooh na ka liang ka Bangladesh hajrong kani ka survey da em i sniawthooh ha pyrdi ka India wa Bangladesh yow pynbeit khatdooh noh ya u pood katkam kani ka survey.

Hei yatoh wei ker pood 150 yard na u pood katkam ka aiñ pyrthai waroh ki ri hap bood ki ya kani ka hukum. Handa la kattæ leh ka sorkar Meghalaya da mynjur wa lada emkaam u ker ya u pood hadooh 20 yards na u morcha leh hoi hi, chong hei emkaam ki paidbah.

Ha jrong ka phang wa daw dooh yei thaw cha ka Bangladesh u DC ong u ym em wow dooh yei thaw wa ki patta næ ki Land Holding Certificate ki bru ym yap ki. Neibhah ka NOC wa yoh na ka JHADC toh du wow pynyieñ ya ki chrot ymtoh u kamtre yei thaw.

Da ong chooh chooh u leh wa ka BSF da pyntip ki wa lada em ki bru wa poi ki thaw ha kylla i ker pood daw chna ya ki gate yow psiah u mih ki u pynemkaam yei thaw kam hei rep i riang. Daw booh leh dei por u wai u khang ya kini ki gate katkam wa emkam ki paidbah.

Kamtæ yei ker pood ym emkaam u man ko da u ang wa bait ye u dor cha timun tidiang na ki morcha wa yei jngai i ker pood na ki morcha daw pynbait katkam wa emkaam ki paidbah.

Da pyntip leh wa ha kani ka 14 tarik daw em ka yalang wa u Chief Secretary ka jylla yow pynbait tarik yow lai survey biang sa chisein yei ker pood.