Ka sorkar jylla da rai ko wow pynku noh chipiah (50 naya) ya i dor ka Diesel ha waroh kawi ka jylla, wei ini da leh wow pynku ya ka dan ka sorkar.
Hawa klam hadien ka yalang yong ka dhab ki Montri, u Montri Rangbah ka jylla, u Conrad Kongal Sangma da ong u wa yeini da leh hadien wa da bichaar bha wa ka jylla Meghalaya toh kawa duna dor dooh i Diesel wei yaphær i hadooh kamwa T. 6 wa i dor ha Guwahati.
Da ong u leh wa neibynta wow pynku yei yoh dan ka jylla, ka sorkar da chim ko ya i rai wow pynku noh chipiah chi liter i dor Diesel, neidaw kamwa man katni ha Meghalaya toh iwa duna tam i dor i Diesel lada nujor wa kiwi ki jylla.
U Conrad da ong chooh chooh u wa da ini i rai, ha jylla daw ku i yoh dan ka sorkar kamwa T. 5-6 klur ha ka chi snem na i Diesel.
Ha iwi i liang da ong u leh wa ka sorkar da rai ko wow pynku kajiak ya ka Value Aded Tax (VAT) heiyatoh wa ki Petrol Pump wa ki Wine store, heiwa da ong u wa ini wa da leh ym ktah i ya ki paidbah nebhah i pynkylla wei i su ya ka VAT haap wow su noh hapoh chi bnai.
Discussion about this post