Ka India Meteorological Department (IMD) kawa em hapoh ka Ministry of Earth Sciences da pyntip ko wa katkam wa man kattæ daw em i chit tangwa ymtoh iwa joor hadooh wow man kam ka Heatwave ha Meghalaya.
Tangwa ka jylla daw chit ko na iwa jooh man wei u slap leh daw duna u neiwa jooh nadooh u April hadooh u June 2026. Wei ha kini ki bnai i chit daw ku i na iwa jooh ha kiwa boon ki bynta ka Meghalaya.
Neibynta u April 2026, deiwa kheiñ kyllum i chit toh iwa daw ku na iwa jooh wei heipor miet leh daw ku i chit na iwa jooh ha kiwa boon ki bynta ka Meghalaya, tangwa ini won ym man i kam ka Heatwave nadooh u April hadooh u June 2026.
U slap ha kini ki por ha Meghalaya leh daw duna u iwa ye u ktah ya ki kaam rep wa emkaam um chiboon.
Yeini da antaad deiwa pait ya ka Neutral El Niño–Southern Oscillation (ENSO) wa i jia ha ka duriaw Pacific Ocean, heiwa ha ka Indian Ocean Dipole (IOD) leh da antaad wym kylla ko (Neutral) yow wanrah ya u slap ha kini ki bnai.
Discussion about this post