Shillong: Ka Khasi Students’ Union (KSU) Central Executive Council (CEC) da pyntip ko cha waroh ki dkhot ka seiñ wa kam chibynta wow kynmoo ya ka lyngkhooh smen wa 23 sngi wa khlaad u Bull N. Lyngdoh, President warim ka KSU, daw pynman ko ya ki program waphær waphær ha ka 7 tarik uni u bnai kawa man leh kam ka sngi wa khlaad u Lyngdoh.
Ka seiñ da khut ko ya waroh ki dkhot yong ka wow poi ki heipor 10:00 waje i step ha katai ka sngi ha khmat u mot sahnaam yong u Lyngdoh wa em ha Malki.
Ha i tai i thaw ka seiñ daw pynman ko ya ka yalang wa tbian heiwa daw klam kiwa yahkhmat ka seiñ nadooh ki warim hadooh kiwa katni. Daw pynyieñ leh ya ki lama ka seiñ kam ka dak wow kynmoo warom yei lai luti ka seiñ nadooh wa sdang hadooh katni.
Hadien ini daw lai chimbynta ha ka ka Football Tournament wa da e hei pyrtuid u Bull N Lyngdoh wa pyllai da ka KSU Malki Circle.
Kamtæ ka seiñ da kyntu ko ya waroh ki dkhot yong ka naka bri u Ynñiawtrep wow poi ki khlem pep ha kani ka sngi.
Discussion about this post