Ka seiñ Hill State Peoples Democratic Party (HSPDP) kawa em ar ngut ki MLA hapoh ka yung dorbar chna aiñ ka jylla, da rai ko wow kyrchaan pura ya ka kyrtong ka sorkar National Democratic Alliance (NDA), ka Draupadi Murmu wow yakhun ya ka Election President ka ri India.
U President ka HSPDP, u KP Pangniang da ong u wa ka Party da yoh ko ya ka chithi paan kyrchaan neibynta ka kyrtong ka sorkar NDA.
Da ong u wa hadien wa yaklam yillu ya ini i kaam da rai wow kyrchaan ya kani ka kyrtong wei ymtoh iwa phylla wow kyrchaan ya ka NDA neibhah da em i yakrehlang ha ki por wa dadep, khamtam wa ka kyrtong toh kawa na ka jaitbru ri-loom.
Ha iwi i liang da ong u leh wa ka HSPDP kawa jooh yakrehlang wa ka UDP ha ka RDA daw yachem ko ya ki heh ka UDP hajrong ini i kaam.
