Ka sorkar Meghalaya hapoh ka dhab ki Montri sorkar namo ka Cabinet ynne ka sngi da mynjur ki wow kyrriah noh ya ka Administrative Headquarter ka sorkar cha New Shillong Township wa em hajan Mawpdang-Mawkhanu, da pyntip u Lahkmen Rymbui uwa man leh kam u Montri kaam pohyung ka sorkar jylla.
“Kamwa da tip i wa ka sorkar da yoh ko yei thaw wa heh kamwa 807 Acre ha New Township. Kamtæ da man iwa biang wow pyrkhat yei khynnia ka Shillong wei wow pynheh leh ya ka chnong wa thymme deiwa rah ya ki yung krehkaam ka sorkar cha ini i thaw wa thymme,” da ong u Lahkmen Rymbui hadien wa kut ka yalang ki Montri.
U Rymbui da pyntip u leh wa ya u mooyurim daw booh ha ka 21 tarik uni u bnai.
Hapoh ka Administrative Headquarter daw kynthup lang ya ka Secretariat wa kiwi de ki yung krehkaam ki chnat sorkar wa em ha Shillong.
