Ka Meghalaya Cricket Association da pynbna ko ya ki 15 ngut ki wow lai yakhun ha ka U-19 Vinoo Mankad Trophy, ka wow sdang ha u bnai wow wan.
Ka Vinoo Mankad Trophy toh ka lympung yalehke Cricket hapoh ka ri namo ka Domestic Cricket Competition.
Ya ka dhab ka jylla daw yahkhmat da u Mrityunjay Bharali wa u Mrinal Das heiwa ka Meghalaya daw yakhun ko ha Pune, ha ka 7 tarik u Naichiphaw pyrchah ya ka Odisha.
Chwa wow mih ki da em ka yalang ynnin ha madan Polo heiwa da emlang u Honorary Secretary ka MCA u Gideon Kharkongor wa kiwi kiwa kitkaam ka MCA.
Kiwa yalehke na Meghalaya kynthup ki ya u Mrityunjay Bharali (Captain), Mrinal Das (Vice-Captain), Dipankar Barua, Sachin Kumar, Ayushman Das, Snehal Dutta, Pushkar Raj Singh, Josiah Wanniang, Shavian Blah, Raghav Magotra, Bharat Gurung, Jeremiah L Kynshi, Bosrang R Marak, Banialam Mylliemngap wa u Gavineal Marpna.
Daw emlang leh u Satya Pal Yadav (Coach), Tejas R Vala (Trainer), Hamboy Langbang (Physio), Shankar Newar (Manager)
Ki yalehke ka Meghalaya man ki kamni hawah:
Pyrchah ka Odisha, 7 Naichiphaw
Pyrchah ya ka Goa, 8 Naichiphaw
Pyrchah ya ka Tripura, 10 Naichiphaw
Pyrchah ya ka Vidarbha, 12 Naichiphaw
Pyrchah ya ka Rajasthan, 14 Naichiphaw
