Ki 15 ngut ki kynthai kiwa yalehke Cricket ka jylla hapoh ka Meghalaya Cricket Association da pynkhreh ki wow lai chimbynta ha ka Women’s U-19 T20 Trophy kawa daw sdang ha ka 1 tarik u Naichiphaw.
Ya kani ka dhab ka Meghalaya u yahkhmat da ka Suriti Kumari Ray kam ka Captain waka Monica Lyngdoh Phawa kam ka Vice-Captain.
Kani ka lympung man ko leh kam wow sdang ka samoi yaleh Cricket ki kynthai neibynta u 2022-23 kawa pynlai da ka BCCI.
Ka Meghalaya daw yachem ko waka Goa ha ka sngi wa sdang kani ka lympung ha Hyderabad.
Ya kini ki 15 ngut da pyn-eh daw ynnin ka sngi ha ka yalang wa pynman ha madan Polo deiwa emlang u MCA Honorary Secretary, u Gideon Kharkongor, u dkhot ka Technical Committee, u Saibal Dasgupta, u Chairman ka Tournament Committee, u Dister Marbaniang wa u Manager of Cricket Operations, u Shining Lyngdoh.
Neiliang u Kharkongor da pynchlur ya kini kiwa yalehke ka jylla wow e lut ki yei bor yong ki deiwa ong leh wa ini daw yarap ko u pynpliah chooh chooh yei sap yong ki kam kiwa yaleh Cricket.
Kiwa yalehke ka Meghalaya: Suriti Kumari Ray (Captain), Monica Lyngdoh Phawa (Vice-Captain), Blaridahun Dkhar, Ara Daffica Kharbani, Smillin N Sangma, Janika Marak, Dubleen D Nengnong, Marme M Sangma, Emisakani Warjri, Jaylin Mary Marak, Fennysha Nongum, Sistilin Ryntathiang, Ankita Sharma, Awesa G Momin, Neelam Roy
Da emlang kiwa yarap: Syed Nishat Fatima (Head Coach), Leonard Wankhar (Assistant Coach), Sushma Thapa (Physio), Darishesha Mawroh (Trainer), Claystone C Marak (Manager)
Ki tarik yalehke:
vs Goa, 1 October
vs Vidarbha, 2 October
vs Sikkim, 4 October
vs Karnataka, 6 October
vs Delhi, 8 October
